Thottungal Babu

 പായം പായം,  കണ്ണൂർ ജില്ലയിലെ ഇരിട്ടി താലൂക്കിലെ റവന്യൂ വില്ലേജ്.  ഇത് പായം ഗ്രാമ പഞ്ചായത്തിലെ വാർഡും കൂടിയാണ്.  പയം, പായം എന്നീ മലയാളം വാക്കുകളുടെ അർത്ഥം വെള്ളം. വാക്കിൻ്റെ ഉറവിടം  എന്താണ് എന്നറിയില്ല.  പാനീയം എന്ന വാക്കിൻ്റെ പാഠഭേദം ആകാം, അല്ലെങ്കിൽ പയസ്സ്  എന്ന സംസ്കൃത വാക്കിൽ നിന്ന് ഉടലെടുത്ത താവം. ഈ വാക്കുകൾ മുൻ വെപ്പ് ആയി വരുന്ന നിരവധി സ്ഥലങ്ങൾ കേരളത്തിൽ കാണാം.        എവിടെയൊക്കെ എന്ന് നോക്കാം. പയ്യന്നൂർ  ആർട്ടിക് വൻകരയിലെ മഴ പോലെയാണ് കേരളത്തിലെ പ്രളയങ്ങൾ.  അവയെക്കുറിച്ചുള്ള നമ്മുടെ അറിവ് തീരെ പരിമിതം. എട്ടാം നൂറ്റാണ്ടിലും പത്താം നൂറ്റാണ്ടിലും ഉണ്ടായിരുന്നു എന്ന് ചരിത്രകാരന്മാർ.  1341ലെ പെരിയാറിലെ വെള്ളം കയറൽ രേഖ പ്പെടുത്തിയിട്ടുണ്ട്.  മലബാറിൻ്റെ ചരിത്രം അന്നും ഇരുട്ടിലാണ്.  എന്നാൽ പൂർവികർ സ്ഥല നാമങ്ങളിൽ അത് അടയാളം ഇട്ടിരിക്കുന്നു.  അങ്ങനെ ഒരു പ്രളയ കാലത്ത് വെള്ളം കയറി ഇറങ്ങിയപ്പഴാണ് പയംവന്ന ഊര് ഉണ്ടായത്. പറഞ്ഞു പറഞ്ഞ് മലബാറുകാരുടെ        പറച്ചിലിൻ്റെ വേഗത കൊണ്ട് അത് പയ്യന്നൂർ ...

കൃഷിയും പശു പരിപാലനവും മുഖ്യമായ ഒരു സമ്പദ് ഘടനയിലാണ് ചാണക്യൻ അർത്ഥ ശാസ്ത്രം രചിക്കുന്നത്.  അധികാരത്തിൻ്റെ കേന്ദ്രം രാജാവ് ആയിരുന്നു. ഭരണ നിർവഹണത്തിൽ രാജാവിനും അദ്ദേഹത്തിൻ്റെ പരിവാരങ്ങൾക്കും ആശ്രയിക്കാവുന്ന ഒരു കൈപ്പുസ്തകം എന്ന  നിലക്ക് വേണം ഗ്രന്ഥത്തെ കാണാൻ.  ജനാധപത്യ  ഭരണ ക്രമത്തിൽ  ഇതിന്  പ്രസക്തി ഇല്ല.  സാമൂഹ്യ വ്യവസ്ഥയുടെ ക്രമാനുഗതമായ പുരോഗതി മനസ്സിലാക്കാൻ ഇതു പോലെയുള്ള ഗ്രന്ഥങ്ങൾ സഹായകമാണ്. B.C. രണ്ടാം നൂ്റ്റാണ്ടിൽ  വിരചിതമായ ഗ്രന്ഥത്തെ പതിനഞ്ചാം നൂറ്റാണ്ടിൽ രചിക്കപ്പെട്ട The Prince എന്ന ഗ്രന്ഥവുമായി താരതമ്യം ചെയ്യാറുണ്ട്.  പക്ഷെ, ഈ താരതമ്യം അപ്രസക്തമാണ്.  അർത്ഥ ശാസ്ത്രത്തിൻ്റെ സമഗ്രത The Prince ന് അവകാശപ്പെടാനാവില്ല.  രാജകുമാരൻ മധ്യകാല  ഇറ്റലിയിലെ നഗര രാഷ്ട്രങ്ങളിലെ രാഷ്ട്രീയം സംബന്ധിച്ചുള്ളതാണ്.  പ്രാചീന നഗരം മൗര്യ സാമ്രാജ്യമായി വളർന്നതിനുശേഷം അതിനെ എങ്ങനെ കൊണ്ടു നടക്കാം എന്ന ചിന്തയാണ് ചാണക്യൻ പങ്കുവെക്കുന്നത്. മൗര്യ സാമ്രാജ്യത്തിൻ്റെ മേൽക്കൂരയായി വർത്തിച്ചത് മഗധൻ മതം എന്നു വിശേഷിപ്പക്കാവുന്ന ബുദ്ധമതം ആയിരുന്നു. അർത...

  ലോക പൗരൻ സേലം എന്ന വാക്കിൻ്റെ വേരുകൾ ലോകം മുഴുവൻ പടർന്നു കിടക്കുന്നു.  എറിത്രിയ (Erithrea) എന്ന രാജ്യമുണ്ട്. ആഫ്രിക്കൻ വൻകരയുടെ വടക്കു കിഴക്ക്.  സുഡാൻ( തെക്കും വടക്കും) എത്യോപ്യ, ജിബൗടി ( Djibouti )എന്നീ രാജ്യങ്ങൾ മൂന്നു വശത്തും നാലാമത്തെ വശം ചെങ്കടലും അതിർത്തി പങ്കിടുന്ന കൊച്ചു രാജ്യം.  ആഫ്രിക്കയുടെ കൊമ്പിനു തൊട്ടു മുകളിൽ.       കൊമ്പിലാണ് സൊമാലിയ. എറിത്രിയയിലെ    ടൈഗ്രിന്യ (Tigrinya) ഭാഷയിൽ സേലം എന്ന വാക്കിൻ്റെ അർത്ഥം, ശാന്തി അല്ലെങ്കിൽ സമാധാനം.  അവിടെ പെൺകുട്ടികളുടെ പേരാണ് സേലം.   സെമിറ്റിക് ഭാഷാ കുടുംബത്തിലാണ് ടൈഗ്രിന്യ.  അറബിക് ഭാഷയും  അതേ കുടുംബത്തിൽ തന്നെ.  അറബികൾ തമ്മിൽ കാണുമ്പോൾ പറയുന്ന ഉപചാര വാക്ക് സലാം. ഇംഗ്ലീഷിൽ ഹൈ എന്ന് പറയുന്നതു പോലെ.  മലയാളിക്ക് സമാനമായ ഉപചാര വാക്ക് ഇല്ല.  ഇല്ലെങ്കിൽ എന്താ? 'ഹൈ' കടമെടുക്കാം.  ആരും തിരിച്ചു ചോദിക്കില്ല.  എത്ര എളുപ്പം. കച്ചവടത്തിന് വന്നവരോടൊക്കെ കടം വാങ്ങി വളർന്നതാണ് നമ്മുടെ ഭാഷ. ഇങ്ങനെ കടം വാങ്ങി വളർന്ന താണ് ഇംഗ്ലീഷും.  എഴുപതുകളിൽ ഭരണ...

1924 ജൂലായ് മാസം. മഴ തകർത്തു പെയ്യുന്നു.  ഓച്ചാംതുരുത്തുകാർ വെളുപ്പിനെ ഉറക്കമുണർന്നു പടിഞ്ഞാട്ട് നോക്കി. അൽഭുതം. കടൽ കാണുന്നില്ല. കടൽ നിന്നിടത്ത് വളരെ നീളത്തിൽ, വളരെ വീതിയിൽ ഗോതമ്പ് കുറു ക്കിയതു പോലെ ചളി അടിഞ്ഞു കൂടി യിരിക്കുന്നു.  ദിവസങ്ങൾ കഴിയുംതോറും കടൽ വാങ്ങി (പിറകോട്ടു പോയി) ചളി വെച്ച കര ഉണ്ടാകുന്നു. കരവെപ്പ് = (കടലായിരുന്ന ഇടം കര ആകുന്നത് )എങ്ങിനെ എന്ന് അവർക്ക് വെളിവായി.  ചളിയിൽ അങ്ങിങ്ങ് കെട്ടി കിടക്കുന്ന വെള്ളം തോടായി. ചെറുതും വലുതുമായി ഒന്നിലധികം തോട്.  കേരളം ഉണ്ടായത് എങ്ങനെ എന്ന് അവർ മനസ്സിൽ കണ്ടു.  ചളി നിറഞ്ഞ വളക്കൂറുള്ള മണ്ണിൽ പുല്ല് തഴച്ചു വളർന്നു.  പുല്ല് അരിയാൻ ആളുകൾ അങ്ങോട്ട് കയറി തുടങ്ങി.  പിന്നെ കാലികളെ മേയാൻ വിട്ടു.  ഓച്ചാംതുരുത്തുകാർ പെരുത്തപ്പോൾ കുറെ പേർ കുടുംബം പിരിഞ്ഞ് പുതിയ കരയിൽ കയറി പുര വെച്ച് താമസം തുടങ്ങി.  ദൂരെ കൊച്ചിയിൽ നിന്നും, ഒരു പക്ഷെ,    സമ്മർദ്ദം കാരണം ആളുകൾ കുടിയേറിയിരിക്കാം.   കരയ്ക്കു  പേരുമായി- പുതു വൈപ്പിൻ. 1924 ഏറെ അകലെയല്ല. വെറും നൂറു കൊല്ലത്തിനും താഴെ. ലക്ഷങ്ങളുടെ ചരിത്രം പേ...

വെള്ളത്തെ കുറിക്കുന്നു നിരവധി പദങ്ങൾ മലയാളത്തിലുണ്ട്. ആല്, ജലം,നീര്, തണ്ണീർ, പയം, പായം, താമരം തുടങ്ങി നിരവധി പദങ്ങൾ.  മലയാളി വ്യാപകമായി ഉപയോഗിക്കുന്ന പദം,വെള്ളം.  അച്ചടിക്കാരൻ്റെ പദം ജലം. ജല വിഭവം, ജല സ്രോതസ്സ് എന്നിങ്ങനെയാണ് എഴുത്ത്. എന്നാല് ആല് എന്ന വാക്കിന് വെള്ളം എന്ന അർത്ഥമുണ്ട് എന്ന് എത്ര പേർക്ക് അറിയാം?  അക്ഷര മാലയിൽ ചന്ദ്രക്കല വരുന്നതിനു മുമ്പേ ഉറച്ചു പോയതായിരിക്കും രണ്ട് സ്ഥലങ്ങൾക്ക് ആല എന്നാണ് പേര്.  ഒന്ന് ആലപ്പുഴ ജില്ലയിലും മറ്റൊന്ന് തൃശൂർ ജില്ലയിലും.  ആലം എന്നാൽ സമുദ്രം.  ആല, ആലം എന്നീ വാക്കുകൾ ഉപസർഗ്ഗം  ആയി വരുന്ന എഴുപത്തി രണ്ടോളം സ്ഥലങ്ങൾ കേരളത്തിലുണ്ട്.  മിക്ക സ്ഥലങ്ങളും തീര ദേശങ്ങളിലാണ്.  ചിലതൊക്കെ അങ്ങനെയല്ലാതെയും കാണാം, കേരളത്തിൻ്റെ ഇന്നത്തെ ഭൂപടം വെച്ച്.  എന്നാൽ ഈ ഭൂപടം എക്കാലത്തെയും അല്ല.  മലയോട് വാരം ചേർന്ന കാലത്തെ ഭൂപടം വരച്ചു നോക്കിയാലോ. ഇവിടെ ജിയോളജിസ്റ്റ് ഐ. സി. ചാക്കോ പറയുന്നത് നോക്കൂ. 'ക്രിസ്ത്വബ്ദം ആദ്യ ശതകങ്ങളിൽ ഒരു കപ്പലിന് കൊടുങ്ങല്ലൂർ നിന്നും നദികൾ ലഗൂണകൾ എന്നിവയിലൂടെ നിരണത്തേക്ക് യാത്ര ചെയ്യാമായിരുന്...

 മലയാളം അക്ഷര മാല സ്കൂളിൽ പഠിപ്പിക്കുന്നില്ല. അത് പടിക്ക് പുറത്താണ്.  എന്നെങ്കിലും അത് സ്കൂളിൽ പഠിപ്പിച്ചിരുന്നോ?. എൻ്റെ ഓർമ്മയിൽ ഇല്ല. ഒന്നാം ക്ലാസ്സിൽ നമ്മൾ എന്താണ് പഠിക്കുന്നത്? തല,മല, വല, മരം, കലം തുടങ്ങിയ വാക്കുകൾ.  എഴുത്തിന് ഇരുന്നപ്പോൾ മണലിൽ ഹരി ശ്രീ ഗണപതായെ നമഃ . തല വല തുടങ്ങിയ വാക്കുകൾ കുട്ടിയുടെ മനസ്സിൽ ഉണ്ടാക്കുന്ന ബിംബം ഹരിശ്രീ ഉണ്ടാക്കുമോ? ഞാൻ അക്ഷര മാല ആദ്യം കാണുന്നത് എൻ്റെ ഇരുപ്ത്തിനാലാം വയസ്സിലാണ്.  എം. ടി ബഷീർ, ദേവ്, തകഴി തുടങ്ങിയവരുടെ കൃതികൾ വായിക്കാൻ അക്ഷര മാലയുടെ അഭാവം ഒരു തടസ്സമായിരുന്നില്ല. സംസ്കൃതം, തമിഴ്, ഹിന്ദി, ഇംഗ്ലീഷ് തുടങ്ങിയ നമുക്ക് പരിചയമുള്ള എല്ലാ ഭാഷകളെയും മലയാളം കടത്തി വെട്ടുന്നത് അദ്ഭുതാവഹമായ നമ്മുടെ അക്ഷര സമ്പത്തുകൊണ്ടാണ് എന്ന് ഒരു പണ്ഡിതൻ പറയുന്നു. മലയാളത്തിൻ്റെ അത്രയും തന്നെ അക്ഷരങ്ങൾ സംസ്കൃതത്തിലും ഹിന്ദിയിലും ഇല്ലെ? കൂടുതൽ ജനങ്ങൾ സംസാരിക്കുന്ന ഭാഷ എന്ന നിലയിൽ മലയാളം സംസ്കൃതത്തെ മറി കടന്നിട്ടുണ്ട്. അത് സംസ്കൃതം മൃത ഭാഷ ആയ തിനാൽ അല്ലേ? ഹിന്ദി, തമിഴ്, ഇംഗ്ലീഷ് എന്നിവ സംസാരിക്കുന്ന ആളുകൾ അല്ലേ ലോകത്ത് കൂടുതൽ ഉള്ളത്? തമിഴ് മലയാളത്തെ...

 അന്വേഷണം തുടങ്ങിയത് കേരളത്തിൽ ആയത് കൊണ്ട് തമിഴകം രണ്ടാമതായി.  ചരിത്രത്തിൽ സംഭവിച്ചത് തിരിച്ചായിരുന്നു.  ജീവിതം  തുടങ്ങുന്നത് തമിഴകത്ത് വളരെ നേരത്തെ ആയിരിക്കണം.  അവിടെ നിന്നും പലപ്പോഴായി കടൽ വെപ്പും ആറ്റു വെപ്പും ആയി ഉയർന്നു വന്ന മലയാളക്കരയിലെക്ക് ഗോത്ര ജീവിതം പടർന്ന തായിരിക്കണം .  ആല, ആലം എന്നീ വാക്കുകൾ വെള്ളം, കടൽ, മഴ എന്നിവയെ കുറിക്കുന്നു. ആലാസ്, ആലാത്ത് എന്നീ വാക്കുകൾ നങ്കൂരം കെട്ടാൻ ഉപയോഗിച്ചിരുന്ന വണ്ണം കൂടിയ കയർ. വടം വലിക്ക് ഉപയോഗിക്കുന്ന വണ്ണം കൂടിയ കമ്പക്കയറിന് തുല്യം.  ഇത്തരം കയർ പണ്ട് കൊച്ചിയിൽ നിന്നും കോഴിക്കോട്ട് നിന്നും ഗുജറാത്തിലേക്ക് പത്തേമാരിയിൽ കയറ്റി അയക്കുന്നത് പതിവായിരുന്നു.  തുറമുഖങ്ങളോട് ചേർന്നു കിടക്കുന്ന തുറസ്സായ സ്ഥലങ്ങളിൽ ഇതിൻ്റെ നിർമ്മാണം നടന്നിരുന്നു. വരുമാനം ഉള്ള തൊഴിൽ ആയിരുന്നു.  1950 - കൾ വരെ ഈ തൊഴിൽ നിലവിൽ ഉണ്ടായിരുന്നു.  പ്ലാസ്റ്റിക് വന്നത്ടെ അത് ആദായകരം   അല്ലാതായി.   ആല, ആലം എന്നീ വാക്കുകൾ ഏത് കുടിയേറ്റ ഗോത്രങ്ങൾ വഴി ഭാഷയിലേക്ക് പകർന്നു എന്നറിയില്ല. 1076 കി. മി. നീണ്ടതാണ് തമിഴ് നാടിൻ്റെ ...